Презентация, доклад дидактической игры для дошкольников Төрле төсле карусель

«Дюймовочка» балалар бакчасы»
муниципаль бюджет мәктәпкәчә белем бирү учреждениесе

Максат: Предметларның исемнәрен дөрес итеп әйтүгә ирешү, «Кем?», «Нәрсә?» сорауларына җавап бирү; әйберләрнең билгеләрен дөрес билгеләү, «Нинди?» соравына җавап бирү күнекмәләре өстендә эшләү; игътибарлыкны үстерү.
Уен барышы: Уенда 4 бала һәм алып баручы катнаша. Балаларга төрле төстәге буш түгәрәкләр бирелә. Уен башында санамыш ярдәмендә алып баручы сайлап куела һәм уенчылар үзләренең түгәрәкләренең төсләрен әйтеп чыгарга тиешләр.
1 вариант: Кечкенә карточкалар зур әйләнә торган түгәрәккә куелалар. Алып баручы карусельне әйләндерә. Бергәләп шушы сүзләрне әйтәләр:
«Әллә-лә, әллә-лә,
Карусельләр әйләнә,
Матур курчак утыра,
Зур машиналар тора,
Әйләнә дә, әйләнә
Карусельне туктата!»
Ук кайсы рәсемдә туктый, алып баручы шул рәсемне күтәреп күрсәтә; «Кем?», «Нәрсә?», «Нинди?» дип сорый. Кем беренче булып карточкадагы рәсемне атый, сыйфатын әйтә, аны үз түгәрәгенә куя. Кемнең төсле түгәрәге тизрәк тула, шул җиңүче була.
2 вариант: Кечкенә карточкалар төсле түгәрәкләргә куелалар. Түгәрәкләр уртасына уенчылар рәсемнәре куела: куян, аю, эт, песи. Шундый ук рәсемле карточкалар әйләнә торган карусельга куела. Уен башында уенчылар үзләре турында сөйләп чыгалар. Алып баручы карусельне әйләндерә. Ук күрсәткән уенчы, үз түгәрәгеннән бер кечкенә карточканы исемен атап, билгесен әйтеп, алып куя. Ул уенчы әйтә алмаса, алып баручы карусельне яңадан әйләндерә. Кемнең түгәрәге беренче бушый, шул җиңүче була.