Презентация, доклад по крымскотатарскому языку на тему Весна

макъат иле къапландылар. Бадем, алча, вишне, шефтали, къызычлыкъ ве бир къач дигер мейва тереклери бурьленип, беяз ве гульгюли чечеклер ачалар. Ляле, наргиз ве мор мелевшелер чевре-четке аджайип, муджизели къокъулар сачалар. Мас-мавы кокте турналар къычырыша. Олар сыджакъ иллерден къайталар. Озенлерде сувлар шырылдап акъа, къаз ве папийлер ялдайлар. Багъ-багъчаларда бульбуллер, сыгъырчыкълар, чочамийлер шенъ отелер. Олар да баарь кельгенине къуваналар. Экин вакъты кельди. Тарлаларда ишлер башлана. Яшлар-къызлар ойнай-куле чалышалар. Ана-Ватанымыз эп дюльберлеше. Улу устазымыз Исмаил бей Гаспринский «Ешиль ада» деп адландыргъан улькемиз озюнинъ акъикъий ренкине кире.

кечире. Хыдырлезде йырджы, оюнджы ве чалгъыджылар озь усталыгъыны косьтерелер, пельванлар курешелер. Эр кес къатлама, кобете, чиберек, тавлокъум, янтыкъ ве башкъа емеклерни софрагъа къоя. Топ-топ отургъан адамлар байрам дувасындан сонъ бири-бирини софрагъа чагъыралар.
Хыдырлез байрамда биз бабамнен берабер азбарда ве бош ерлерде мейва тереклерни отуртамыз: алма, армут, кираз ве айва тереклерни. Эвельден адет олгъан. Бу гузель адетни эр бир адам кутьсе, Къырымда бир адым ер бош къалмаз. Бутюн Къырым багъ-багъчагъа дёнер, даа да дюльбер ве ярашыкълы олур.