Слайд 1Агульная класіфікацыя сказаў
Слайд 2- Паводле мэты выказвання сказы бываюць: апавядальныя, пытальныя, пабуджальныя.
- Па інтанацыі:
клічныя і няклічныя.
- Паводле адносін выказвання па рэчаіснасці: сцвярджальныя і адмоўныя (агульна-адмоўныя і часткова-адмоўныя)
- Па структуры арганізацыі: сінтаксічна непадзельныя (нельга вылучыць член сказа) / падзельныя.
- Па колькасці граматычных саставаў: аднасастаўныя / двухсастаўныя.
- Па структуры: простыя / складаныя.
- Па наяўнасці дадатковых членаў: развітыя / неразвітыя.
- Па ўскладненасці структуры: ускладненыя / няўскладненыя.
- Па паўнаце бываюць поўнымі / няпоўнымі.
Слайд 3Складаныя сказы ўтвараюцца ў выніку злучэння або падпарадкавання некалькіх простых сказаў,
якія страцілі сэнсавую, граматычную і інтанацыйную самастойнасць і ператварыліся ў састаўныя часткі, якія непарыўна звязаны і ўзаемна дапаўняюць адна другую.
Слайд 4Паводле мадальнасці (адносіны зместу да аб’ектыўнай рэчаіснасці) сказы падзяляюцца на сцвярджальныя
і адмоўныя.
Сцвярджальныя сказы – тыя, у якіх азначаецца рэальная наяўнасць або магчымасць розных з’яў і падзей рэчаіснасці: Дзень быў добры. У многіх выпадках для ўзмацнення сцвярджэння ўжываюцца сцвярджальныя часціцы, якія стаяць у пачатку сказа і граматычна не звязваюцца з яго членамі. Ага, думаць заўсёды важна.
Слайд 5Адмоўныя сказы – сказы, у якіх адмаўляецца наяўнасць або магчымасць пэўных
з’яў і падзей аб’ектыўнай рэчаіснасці. Цэлую ноч не схіцаюць песні дзяўчын. Асноўным граматычным сродкам выражэння адмоўя з’яўляюцца часціцы НЕ, НІ і слова НЯМА, якое з’яўляецца безасабова-прэдыкатыўным: На небе ні хмурынкі. Не спяваюць у полі дзяўчаты.
Яшчэ бывае так, што сярод адмоўных сказаў выдзяляюцца агульнаадмоўныя і частковаадмоўныя. У агульнаадмоўных сказах назіраецца поўнае адмаўленне з’яў і падзей, што знаходзіць сваё выражэнне ў адмоўнай форме і значэнні выказніка. У хаце нікога няма.
Слайд 6У частковаадмоўных сказах адмаўляецца толькі асобная ўласцівасць агульнай з’явы ці падзеі,
якая сцвярджаецца, а не адмаўляецца ў сказе. Граматычна адмоўе выражаецца ўжываннем адмоўнай формы і значэннем розных членаў сказа, акрамя выказніка: Не кветак шукалі ў полі..
Слайд 7Паводле камунікатыўнасці і эмацыйнай афарбаванасці (інтанацыйнага афармлення) сказы падзяляюцца на апавядальныя,
пытальныя, пабуджальныя; клічныя і няклічныя.
Апавядальныя сказы – сказы, у якіх паведамляецца аб розных з’явах, падзеях як фактах аб’ектыўнай рэчаіснасці. Асаблівасцю апавядальных сказаў з’яўляецца пераважна прамы парадак слоў. У такіх сказах пашыраны дзеясловы абвеснага і ўмоўнага ладу 1, 3 асобы і адсутнічаюць словы з яркай эмацыйна-экспрэсіўнай афарбоўкай. Сярод апавядальных сказаў вылучаюць: уласнаапавядальныя (змяшчаецца паведамленне аб розных з’явах і падзеях) і апісальна-апавядальныя (не толькі паведамляецца аб з’явах і падзеях, але і даецца іх характарыстыка).
Слайд 8Пытальныя сказы – сказы, у якіх змешчана пытанне, звернутае да субяседніка
з мэтай выказацца адносна тых ці іншых падзей і з’яў. Асаблівасцю пытальных сказаў з’яўляецца інтанацыя і парадак слоў. У афармленні пытальных сказаў удзельнічаюць:
Сярод пытальных сказаў вылучаюцца:
-уласнапытальныя;
-пытальна-рытарычныя (Каму не хочацца паехаць туды?);
-пытальна-пабуджальныя, дзе выражаецца просьба, прапанова (Можа ты прыедзеш да мяне?);
-пытальна-эмацыйныя, дзе выражаюцца і пачуцці (Няўжо табе гульня не падабаецца?).
Слайд 9Пабуджальныя сказы – сказы, у якіх выражаецца волевыяўленне таго, хто гаворыць:
Родная прырода! У шчасці расцвітай! Пабуджальныя сказы вызначаюцца своеасаблівай пабуджальнай інтанацыяй, багатай на разнастайныя адценні. У іх можа выражацца загад, просьба, заклік, запрашэнне, парада, перасцярога і г.д.
У клічных сказах выражаюцца розныя пачуцці таго, хто гаворыць, адносна пэўных з’яў і падзей аб’ектыўнай рэчаіснасці: Як прыемна пахне кветка!
Клічныя сказы адрозніваюцца ад апавядальных, пытальных і пабуджальных сказаў яркай эмацыйнай афарбаванасцю, што ствараецца асаблівай клічнай інтанацыяй. Апрача інтанацыі, важную ролю ў выражэнні пачуццяў адыгрываюць:
-эмацыянальныя выклічнікі: Эх, вечар харошы! (Я.Куп.);
-эмацыянальна-экспрэсіўныя часціцы: Як прыемна пахне трава!;
-займеннікі і прыслоўі ў функцыі ўзмацняльных часціц: Колькі слаўных падзей можа адбыцца за адны суткі!;
-спалучэнне выклічнікаў з часціцамі: Ох, як многа розных песень чуецца ў дарозе!
Слайд 10Аднасастаўныя сказы.
У аднасастаўных сказах прысутнічае адзін састаў галоўнага члена, суадноснага з
дзейнікам або выказнікам: Люблю цябе, мая краіна!
Прэдыкатыўнае ядро ў аднасастаўным сказе мае нерасчлянёны выгляд. У ім паведамляецца аб незалежнай прэдыкатыўнай адзнацы ці незалежным прадмеце думкі. Але сустракаюцца сказы, якія пры адным парадку могуць быць двухсастаўнымі, а пры другім – аднасастаўнымі: Дрэнныя дымкі і Думкі дрэнныя.
Слайд 11Сказы, дзе галоўныя члены паясняюцца даданымі, называюцца развітымі: Усё зробім для
шчасця роднай краіны.
Слайд 12Па паўнаце рэалізацыі структурнай схемы сказы падзяляюцца на поўныя і няпоўныя.
Поўныя сказы (аднасастаўныя ці двухсастаўныя) – сказы, у складзе якіх ёсць усе неабходныя для дадзенай структуры члены: У пакоі ціха. Свеціць сонца. Няпоўныя сказы – сказы, у складзе якіх адсутнічаюць адзін ці некалькі членаў, неабходных для дадзенай структуры: Вясна на дрэвах лісце вешае, а мы – сцягі на кожны дом.
Слайд 13Паводле члянімасці сказы
падзяляюцца
на членныя (члянімыя) і нячленныя (нечлянімыя). Сказы,
якія арганізаваны са слоў ці спалучэння слоў і характарызуюцца расчлянёнасцю сваёй структуры, называюцца членнымі (члянімымі): Я стаў байцом за новы час. У склад такіх сказаў уваходзяць розныя члены сказа. Сказы, якія арганізаваны з аднаго слова ці спалучэння слоў і характарызуюцца нерасчлянёнасцю сваёй структуры, называюцца нячленнымі (нечлянімымі). Яны адрозніваюцца ад двух-, аднасастаўных сказаў. Яны бессастаўныя, паколькі словы, з якіх яны арганізаваны, не могуць выступаць членамі сказа. Гэта так званыя словы-сказы: Так. Ага.
Слайд 14Паводле ўскладняльных кампанентаў сказы падзяляюцца на ўскладненыя і няўскладненыя. Сказы могуць
ускладняцца, калі ў іх складзе знаходзяцца аднародныя, адасобленыя члены, параўнальныя звароты, звароткі, пабочныя і ўстаўныя канструкцыі: Зелянеюць луг і поле. Сказы, у якіх няма падобных кампанентаў, з’яўляюцца няўскладненымі.